К целителю Пантелеймону о здравии

Дух бодр, плоть же немощна

(Марка 14:38 )

Начало:

Царю Небесный: (1р)

Ствятый Боже: (3р)

Слава Отцу и Сыну и Святому Духу: (1р)

Отче наш: (3р)

Богородице Дево: (3р)

Верую: (1р)

Молитва животворящему Кресту Господню

  Да воскреснет Бог, и расточатся врази Его, и да бежат от лица Его ненавидящии Его; яко исчезает дым, да исчезнут; яко тает воск от лица огня, тако да погибнут беси от лица любящих Бога, и знаменующихся крестным знамением, и в веселии глаголющих: радуйся, пречестный и животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго, и поправшаго силу диаволю, и даровавшаго нам тебе, Крест свой честный, на прогнание всякого супостата. О пречестный и животворящий Кресте Господень, помогай ми со святою Госпожею Девою Богородицею, и со всеми святыми во веки.  Аминь.

К Богородице о защите

Под твою милость прибегаем, Богородице Дево:

Молений наших не презри в скорбех, но от бед избави нас,  Единая Чистая и Благословенная.

Пресвятая Богородице, Спаси нас!

Аминь

Молитва о заступничестве Архангела Михаила.

Господи Боже Великий Царю, Безначальный! Пошли, Господи, Архангела Твоего Михаила на помощь рабам Твоим

имена:

…

пошли Архистратига Небесного избавити нас от враг наших видимых и невидимых.
О, Господень Михаиле Архангеле, демонов сокрушителю: запрети всем врагам борящимся с нами, и сокруши их, яко прах пред лицем ветра.
Буди нам помощник в бедах, скорбях, печалях.
Защитник в пустынях, на распутьях, на реках и морях.
И от всяких прелестей диавольских, избави нас.
Да заступлением твоим, сподобимся узреть славу Божию на земле, и царствия Его Небесного, не лишиться.      Аминь.

К Николаю Чудотворцу о защите и благополучии

О всехвальный, великий чудотворче, святителю Христов, отче Николае!

 Усердно молим тя недостойнии, не остави нас в море житейском без твоего заступления, яко ты еси: верных защититель, алчущих кормитель, плачущих веселие, болящих врач, по морю плавающих управитель, убогих и сирых питатель, старым укрепитель, странствующим путевождь, плавающим кормчий, и всем скорый помощник и покровитель.

Исходатайствуй, крепкия помощи твоея требующим, вся, яже ко спасению полезная! Яко да твоими молитвами наставляеми и соблюдаеми, купно с тобою прославим Бога, в Троице Святей славимаго, Отца и Сына и Святаго Духа, ныне и присно и во веки веков.

Аминь.

К целителю Пантелеймону о здравии

Святый великомучениче и целителю Пантелеймоне, милосердию Бога подражателю! Призри на ны и услыши грешных, пред святою твоей иконою усердно молящихся. Испроси нам у Господа

Бога, Емуже со Ангелы предстоиши на небеси, оставление грехов и прегрешений наших: исцели болезни душевныя же и телесныя рабов Божиих, ныне поминаемых

имена:

…

и всюду с молитвою предстоящих, - всех христиан православных, к твоему заступлению притекающих.

Се бо мы, по грехом нашим одержимы есмы  многими недуги и не имамы помощи и утешения: к тебе же прибегаем, яко дадеся ти благодать молитися за ны и целити всяк недуг и всяку болезнь; даруй убо всем нам, молитвами твоими, здравие души и тела, преуспеяние веры и благочестия, и вся блага, к   житию временному и спасению потребная. Яко да, сподобившися тобою, великих Божиих милостей, прославим тя много за Христа подвизавшегося и претерпевшего.  И вознесём славу Богу твоему и Богу нашему, - подателю всех благ,  дивному во святых, - Отцу, и Сыну, и Святому Духу, ныне и присно, и вовеки веков. Аминь.