Студопедия

КАТЕГОРИИ:

АвтоАвтоматизацияАрхитектураАстрономияАудитБиологияБухгалтерияВоенное делоГенетикаГеографияГеологияГосударствоДомЖурналистика и СМИИзобретательствоИностранные языкиИнформатикаИскусствоИсторияКомпьютерыКулинарияКультураЛексикологияЛитератураЛогикаМаркетингМатематикаМашиностроениеМедицинаМенеджментМеталлы и СваркаМеханикаМузыкаНаселениеОбразованиеОхрана безопасности жизниОхрана ТрудаПедагогикаПолитикаПравоПриборостроениеПрограммированиеПроизводствоПромышленностьПсихологияРадиоРегилияСвязьСоциологияСпортСтандартизацияСтроительствоТехнологииТорговляТуризмФизикаФизиологияФилософияФинансыХимияХозяйствоЦеннообразованиеЧерчениеЭкологияЭконометрикаЭкономикаЭлектроникаЮриспунденкция

Сия Вера Апостольская, сия Вера Отеческая, сия Вера Православная, сия Вера вселенную утверди.

ЧИН ТОРЖЕСТВА ПРАВОСЛАВИЯ

 

Молитвами святых отец наших, Господи Иисусе Христе Сыне Божий помилуй нас. Аминь

 

Царю Небесный:

Трисвятое:

Отче наш:

Господи помилуй (12).

Придите поклонимся, трижды,

Псалом 74: Исповемыся Тебе, Боже, исповемыся:

Слава и ныне: Аллилуиа, аллилуиа, аллилуиа, слава Тебе, Боже: (трижды)

 

Глас 4-й, Бог Господь и явися нам, благословен грядый во Имя Господне.

 

Стих 1-й: Исповедайтеся Господеви, яко Благ, яко в век милость Его.

 

Стих 2-й: Обышедше обыдоша мя, и именем Господним противляхся им.

 

Стих 3-й: Не умру, но жив буду, и повем дела Господня.

 

Стих 4-й: Камень, егоже небрегоша зиждущии, сей бысть во главу угла: от Господа бысть сей, и есть дивен во очесех наших.

 

Также Тропари:

 

Благодарни суще недостойнии рабы Твои, Господи, о Твоих великих благодеяниях на нас бывших, славяще Тя хвалим, благословим, поем, и величаем Твое благоутробие, и рабски любовию поем Ти: Благоутробне Спасе наш, слава Тебе.

 

Слава: глас 3.

 

Твоих благодеяний и даров туне, яко раби непотребни сподобльшеся, Владыко, к Тебе усердно притекающе, благодарение по силе приносим и Тебе, яко Благодетеля и Творца славяще, вопием: слава Тебе, Боже прещедрый.

 

И ныне: глас 4.

 

Якоже вышния тверди благолепие, и нижнюю споказал еси красоту святаго селения славы Твоея, Господи, утверди сие во век века, и приими наша в нем непрестанно приносимая Тебе моления, Богородицею, всех Животе и Воскресение.

 

Премудрость, вонмем.

Прокимен, глас 4: Насаждени в дому Господни, во дворех Бога нашего процветут.

Лик:Насаждени в дому Господни, во дворех Бога нашего процветут.

Стих:Возвеселится праведник о Господе, и уповает на Него.

Лик:Насаждени в дому Господни, во дворех Бога нашего процветут.

Стих:Насаждени в дому Господни,

Лик: Во дворех Бога нашего процветут.

 

Апостол к Римляном, зачало 121 (глава 16, стихи: 16-20).

 Евангелие от Матфея, зачало 75 (глава 18, стихи: 10-18).

 

Помилуй нас, Боже, по велицей милости Твоей, молимся Ти ся, услыши и помилуй нас.

Господи помилуй (трижды)

 

Еще молимся о Православных епископах Церкви Элладския, Высокопреосвященных митрополитах...

Господи помилуй (трижды)

 

Не хотяй смерти грешных, но ожидаяй обращения и покаяния, обрати всех отступльших, к Святей Твоей Церкви, молимтися, милосердный Господи, услыши и помилуй.

Господи помилуй (трижды)

 

Устроивый мiр сей в славу Твою, сотвори да и противящияся Твоему слову обратятся, и вкупе со всеми верными истинною верою, и благочестием Тебе Бога нашего прославят, молимтися, всемилосердный Творче, услыши и помилуй.

Господи помилуй (трижды)

 

Давый заповедь Твою нам, еже любити Тебе Бога нашего и ближняго своего, сотвори, да ненависти, вражды, обиды, мздоимства, клятвопреступства, и протчая беззакония прекратятся, истинная же любовь да царствует в сердцах наших, молимтися, Спасителю наш, услыши и милостивно помилуй.

Господи помилуй (трижды)

 

Услыши ны, Боже Спасителю наш, упование всех концев земли, и сущих в мори далече: и милостив, милостив буди, Владыко, о гресех наших, и помилуй ны. Милостив бо и Человеколюбец Бог еси, и Тебе славу возсылаем Отцу, и Сыну, и Святому Духу, ныне и присно, и во веки веков. Аминь.

Господи помилуй. (трижды)

 

Всевышний Боже, Владыко и Содетелю всея твари, наполняяй вся величеством Твоим, и содержай силою Твоею! Тебе вседаровитому Господу нашему мы недостойнии благодарение приносим, яко не отвращаешися нас беззаконий ради наших: но паче предваряеши ны щедротами Твоими. Ты ко избавлению нашему послал еси единороднаго Твоего Сына, и благовестил безмерное Твое к роду человеческому снизхождение: яко хотением хощеши, и ожидаеши, еже обратитися нам к Тебе, и спасенными быти: Ты снизходя к слабости и немощи нашего естества, укрепляеши нас всесильною Святаго Твоего Духа благодатию, утешаеши спасительною верою, и совершенною надеждою вечных благ, и руководствуя избранных Твоих в горний Сион, соблюдаеши яко зеницу ока. Исповедуем, Господи, великое Твое и безприкладное человеколюбие и милосердие. Но видя многих поползновения, прилежно Тя, всеблагий Господи, молим: призри на Церковь Твою, и виждь: яко Твое спасителное благовестие аще и радостно прияхом, но терние суеты и страстей творит оное в некиих малоплодно, в некиих же и безплодно, и по умножению беззаконий овии ересьми, овии расколом противяся евангельской Твоей истине, отступают от достояния Твоего, отревают Твою благодать, и повергают себя суду Твоего Пресвятаго Слова. Премилосердный и всесильный, не до конца гневаяйся Господи, буди милостив, молит Тя Твоя Церковь, представляя Тебе Начальника и Совершителя спасения нашего, Иисуса Христа. Буди милостив нам, укрепи нас в правоверии силою Твоею, просвети отступающим от Церкви Твоея разумныя очи светом Твоим Божественным, да уразумеют Твою истину, умягчи их ожесточение, отверзи слухи, да познают глас Твой и обратятся к Тебе Спасителю нашему. Исправи, Господи, оных развращение и жизнь несогласную христианскому благочестию: сотвори, да вси свято и непорочно поживем: и тако спасительная вера укоренится, плодоносна в сердцах наших пребудет. Не отврати лица Твоего от нас, Господи, воздаждь нам радость спасения Твоего, подаждь, Господи, и пастырем Церкви Твоея святую ревность, и попечение об их спасении, и обращении заблуждающих, духом евангельским раствори: да тако вси руководими достигнем, идеже совершение веры, исполнение надежды, и истинная любовь: и тамо с лики чистейших небесных Сил прославим Тебе Господа нашего, Отца, и Сына, и Святаго Духа, во веки веков, аминь.

 

Прокимен великий глас 7

Кто Бог велий яко Бог наш? Ты еси Бог творяй чудеса.

 

Таже повышенным гласом: Кто Бог велий яко Бог наш?

 

И паки высочайшим гласом: Ты еси Бог творяй чудеса.

Православия день празднующе, православнии людие, наипаче прославим Виновника всех благ Бога, иже Сый благословен во веки.

 Сей Бог наш, промышляя и утверждая возлюбленное Свое достояние, святую Церковь, праотцев, преступлением отпадших, утешая неложным Своим словом, еще в Раи основание Ей положи: Сей Бог наш, руководствуя ко оному спасительному обетованию, не несвидетельствована Себе остави, но хотящее быти спасение провозвестил первее чрез праотцев и пророков, живописал различными образы: Сей Бог наш многочастне и многообразне древле глаголавый отцем во пророцех, в последок дний сих глагола нам в Сыне, Имже и веки сотвори, Иже возвести Отчее о нас благоволение, откры таинства небесная, увери силою Святаго Духа о Истине благовестия, посла Апостолы во весь Мир проповедати Евангелие Царствия, утверди оное различными силами и чудесы.

 

Сему спасительному Откровению последующе, сего Благовестия держащеся, Веруем во Единаго Бога Отца Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца рожденнаго прежде всех век: Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, животворящаго, Иже от Отца исходящаго, Иже со Отцем и Сыном споклоняема и сславима, глаголавшаго пророки. Во едину Святую, Соборную и Апостольскую Церковь. Исповедуем едино крещение во оставление грехов. Чаем воскресения мертвых. И жизни будущаго века. Аминь.

 

Таже, косно и ясным гласом возглашаем:

Сия Вера Апостольская, сия Вера Отеческая, сия Вера Православная, сия Вера вселенную утверди.

Таже паки глаголем:

Еще же и соборы святых Отец, и их предания и писания Божественному Откровению согласная, приемлем и утверждаем.

 

Аще сему Господню о нас промышлению и откровению спасительному врази Православия и противишася, но помяну Господь поношения раб Своих: хульники бо славы Своея поруга, и продерзатели и враги Православия боязненны и бежатели яви.

 

Якоже убо пленяющих разум свой в послушание Божественному Откровению и подвизавшихся за Оное ублажаем и восхваляем: тако противящихся сей Истине, аще ожидавшему их обращения и раскаяния Господу не покаяшася, Священному Писанию последующе и первенствующия Церкве преданий держащеся, отлучаем и анафематствуем.

 

Таже яснейшим гласом глаголем:

1. Отрицающым бытие Божие и утверждающим, яко мiр сей есть самобытен и вся в нем без промысла Божия и по случаю бывает, Анафема! певцы или людие возглашают Анафема, трижды.

 

2. Глаголющым Бога не быти дух, но плоть; или не быти Его праведна, милосерда, премудра, всеведуща, и подобная хуления произносящым, Анафема! (трижды).
 
3. Дерзающым глаголати, яко Сын Божий не единосущный и не равночестный Отцу, такожде и Дух Святый, и исповедающым Отца, и Сына, и Святаго Духа не единаго быти Бога, Анафема! (трижды).
 
4. Безумне глаголющым, яко не нужно быти ко спасение нашему и ко очищению грехов пришествие в мiр Сына Божия во плоти, Его вольное страдание, смерть и воскресение, Анафема! (трижды).
 
5. Не приемлющим благодати искупления Евангелием проповеданнаго, яко единственнаго нашего ко оправданию пред Богом средства, Анафема! (трижды).
 
6. Дерзающым глаголати, яко Пречистая Дева Мария не бысть прежде рождества, в рождестве и по рождестве Дева, Анафема! (трижды).
 
7. Неверующым, яко Дух Святый умудри пророков и апостолов и чрез них возвести нам истинный путь к вечному спасению, и утверди сие чудесами, и ныне в сердцах верных и истинных христиан обитает и наставляет их на всякую истину, Анафема! (трижды).
 
8. Отмещущым безсмертие души, кончину века, суд будущий, и воздаяние вечное за добродетели на небесех, а за грехи осуждение, Анафема! (трижды).
9. Неверующии, яко в тайне Евхаристии святой, или причащения, хлеб квасный пшеничный в тело Христово, вино же лозное в кровь Христову действием Святаго Духа претворяются; и пресуществуются кроме видов. И яко по пресуществении под видами хлеба и вина истинное есть тело Христово и истинная кровь Христова. И Сам Христос Господь истинно существенно и вещественно в тайне сей пребывает, яко Агнец за грехи мира таинственне закалаемый и в жертву Богу Отцу приносимый. Того ради хлеб святый в сей тайне Агнец и нарицается. Сему таинству неверующии, и Боголепной чести, яко Самому Богу невоздающии и не покланяющиеся, Анафема!
10. Отмещущым вся таинства святая, Церковию Христовою содержимая, Анафема! (трижды).
 
11. Отвергающым соборы святых Отец и их предания, Божественному Откровению согласная, и Православно-Кафолическою Церковию благочестно хранимая, Анафема! (трижды).
 
12. Помышляющым, яко православнии Государи возводятся на престолы не по особливому о них Божию благоволению и при помазании на царство дарования Духа Святаго к прохождению великаго сего звания на них не изливаются: и тако дерзающым противу их на бунт и измену, Анафема! (трижды).
 
13. Ругающым и хулящым святыя иконы, ихже Святая Церковь к воспоминанию дел Божиих и угодников Его, ради возбуждения взирающих на оныя ко благочестию, и ко оных подражанию приемлет, и глаголющым оныя быти идолы, Анафема! (трижды).
 
14. Теософом и прочым еретиком, дерзающым глаголати и пребезумне учити, яко Господь наш Иисус Христос не единожды на землю сниде и воплотися, но множицею воплощашеся, такожде и отрицающым, яко истинная премудрость Отчая есть Сын Его единородный и вопреки Божественному Писанию и учению святых Отец ищущым иныя премудрости, Анафема! (трижды).
 
15. Масоном, оккультистом, спиритом, чародеем и всем, иже не Единому Богу веруют, но бесов почитают, и не Богу смиренно жизнь свою предают, но чародейным бесов призыванием грядущее ведети тщатся, Анафема! (трижды).
 
16. Отступающым от Православныя веры и приемлющым иныя исповедания на соблазн братиям нашим и отпадающым в расколы, Анафема! (трижды).
 
17. Богопротивным человеком злым, дерзнувшым даже и на убиение Помазанника Божия святаго Царя-мученика, Анафема! (трижды).
 
18. Гонителем Христовыя Церкви, нечестивым отступником, подъявшим руки на священнослужителей Божиих, попирающым святыни, разрушающым храмы Божии, истязующым братию нашу, убивающым невинных, и осквернившым Отечество наше, Анафема! (трижды).
 
19. Нападающым на Церковь Христову и учащым, яко Она разделися на ветви, яже разнятся своим учением и жизнию, и утверждающым Церковь не сущу видимо быти, но от ветвей, расколов и иноверий соединитися имать во едино тело; и онем, иже не различают истиннаго священства и таинств Церкви от еретических, но учат, яко крещение и евхаристия еретиков довлеют ко спасению; и онем, иже имут общение с сими еретики или пособствуют им, или защищают их новую ересь экуменизма, мняще ю братскую любовь и единение разрозненных христиан быти, Анафема! (трижды).
 
20. Не следующым обычаям Церкве, иже уставлены быша на седми Вселенских Соборех, такожде и Святей Пасце и месяцеслову, иже они правильно уставиша и предаша нам на последование, но желающим последовать новоявленной пасхалии и новому месяцеслову безбожных папских астрономов; и, противясь оным обычаем Церкви, желающим ниспровергнуть и развеять догматы и обычаи Церкве, ихже мы от Отец прияхом, Анафема!
 
21. Соблазнителем и ругателем рода человеческаго и богозданныя природы извратителем, сеющим разврат и над деторождением глумящимся, соблазняющым сестер наших детоубийство во утробах матерних творити и безвозрастных младенцев, яко бездушных извергати, еще же из их телес и крови скверную прибыль имати, Анафема! (трижды).
 
22. Утверждающим антихристианскую ересь сергианскую; учащим, яко союзом с врагами Христа спасается Церковь Христова, и подвиг мученичества и исповедничества отвергающим, и на иудином основании лжецерковь устрояющим, и сего ради дозволяющим нарушать и искажать учение, каноны и нравственные законы христианские; заповедающим христианам поклонятися богоборческой власти, будто бы Богом данной, и служить ей не за страх, а за совесть, благословляя все ея беззакония; оправдывающим гонения на Истинную Церковь Христову от богоборцев, думая тем самым служить Богу, яко и совершали на деле продолжатели ереси обновленческой митрополит Сергий Страгородский и все его последователи, Анафема! (трижды).

 

Всем же о Православии подвизавшымся словесы, писании, учении, страдании и богоугодным житием, яко защитником и пособником онаго, Христова Церковь воспоминание творя, восклицаем:

 

Таже низким и мерным гласом:

 

Святому Благоверному и Равноапостольному Царю Константину и матери его Елене, Феодосию Великому, Феодосию Юнейшему, Иустиниану и прочим православным Царем и Царицам греческим, Вечная память.

 

И поют певцы: Вечная память (трижды).

 

паки:

 

Великим исповедником Святыя Православныя Веры, святым: Афанасию Великому, Архиепископу Александрийскому, отцу Православия, Святителю Евстафию Антиохийскому Исповеднику, великим Вселенским Учителем и Святителем Василию Великому, Григорию Богослову и Иоанну Златоустому, Святителю Кириллу Александрийскому, Льву Великому и Флавиану Исповеднику, Отцем Седьми Вселенских Соборов, преподобному отцу нашему Максиму Исповеднику, святителю Никифору Патриарху Цареграда, святителю Мефодию Патриарху Цареграда, святителю Григорию Архиепископу Фессалоникийскому, преподобному отцу нашему Феодору Студиту, Святителю Марку митрополиту Ефесскому, святителю Матфею Новоисповеднику Афинскому, Священномученику Иосифу митрополиту Петроградскому, Священномученику Марку епископу Сергиево-Посадскому, Священноисповеднику Виктору епископу Глазовскому, и всем Исповедником Церкви Российския и Элладская и прочим Исповедником, Отцем и Учителем Церкве Вселенской, о Ней подвизавшымся, Вечная память (трижды).

 

Святому Благоверному и Равноапостольному Великому князю Владимиру, благоверней велицей княгине Ользе, Благоверным Великим князем Ярославу Мудрому, Владимиру Мономаху, святому Александру Невскому, Димитрию Донскому и прочим Благоверным Царем и Великим князем, царицам и великим княгиням, Благоверному Государю Царю Михаилу Феодоровичу, убиенному святому мученику цесаревичу Димитрию, убиенному Царю-Освободителю Александру Николаевичу, Царю-Миротворцу Александру Александровичу и святому Благоверному Царю-Великомученику Николаю, святым Благоверным великомученицем Царице Александре, Царевичу Алексию, Царевнам Ольге, Татиане, Марии и Анастасии и всем от рода Царей и Великих князей Российских преставльшымся и с ними же и убиенному Благоверному и Христолюбивому Государю и Королю Югословенскому Александру и всем от рода православных Царей, Королей и князей, Вечная память (трижды).

 

Всем святейшым Патриархом о Православии подвизавшымся, Константинопольским, Александрийским, Антохийским, Иерусалимским, Сербским, и святейшым Патриархом Всероссийским: Иову, священномученику Ермогену, Филарету, Иоасафу-Первому, Иосифу, Никону, Иоасафу-Второму, Питириму, Адриану, Тихону, и всем преосвященным Митрополитом, Архиепископом и Епископом православным, Вечная память (трижды).

 

Священномучеником Митрополиту Киевскому Владимиру, Митрополитом Петроградским Вениамину и Иосифу, Архиепископам Гермогену, Андронику и Митрофану; Епископу Никодиму; Митрополитам Петру, Кириллу и Агафангелу; священномучеником Дамаскину, Виктору, Максиму, священномучеником Марку, Феодору, Серафиму, Гермогену, священномучеником во пресвитерех Феодору, Иоанну, Сергию, Петру и Иоанну; Священноисповеднику присвитеру Валентину, преподобномученицам велицей княгине Елисавете и инокине Варваре, верным сострадальцем мучеников Царственных и всем безчисленным святым и славным Новомучеником, Священномучеником и Исповедником Церкве Российския, Греческия, Сербския и Китайския, и всем во всяцей стране мученически и исповеднически пострадавшым за веру Православную, Вечная память (трижды).

 

Приснопамятным святителем и чудотворцем Иннокентию, Митрополиту Московскому, просветителю аборигенов Америки и Азии; Иннокентию Иркутскому, преподобному и богоносному отцу нашему Герману Аляскинскому; священномученику Ювеналию и мученику Петру Алеуту, и всем от рода нашего бывшым и во иныя страны свет истинныя Веры принесшым, Вечная память (трижды).

 

Приснопамятным преставльшимся православным Архиереям Церкви Христовой, и всех подвизавшихся о Православии Архиереям, (арх. Андрею Афинскому, митр. Иннокентию Пекинскому, еп. Феофану Полтавскому), и всем преосвященным (имя рек) Митрополитом, Архиепископом и Епископом православным, Вечная память (трижды)

 

Сященнослужителем и монашествующым, Христолюбивым князем, боляром, и христоименитому воинству на поле брани и в разных походех за Православную Веру и многострадальное Отечество наше пострадавшым и убиенным, насильственно вывезенным и умученным, или в изгнании скончавшымся, Вечная память (трижды).

 

Всем православным христианом во истинной Вере и благочестии и в надежде воскресения скончавшымся, Вечная память (трижды).

 

По сем возглашаем:

Высокопреосвященнейшим епископам Истинно-Православной Церкви Греции и Кипра, Высокопреосвященному митр. Пахомию, Высокопреосвященному митр. Евстафию с клиром, монашествующими и паствою, и всему освященному причту, Многая лета (трижды).

 

Благоверным людем страждущия страны нашея Российския во всех тяжких обстояниях их подаждь Господи на безбожническия козни крепость, от глада, губительства и междуусобных браней, Православия и благочестия же во Отечестве нашем возставление и Многая лета (трижды).

 

Всем православным христианом право содержащым спасительную Веру, исповедником, гонимым за веру и Церковь Православную, храмостроителем, благочестия ревнителем, и всем повинующымся Христовой Церкве, Многая лета (трижды).

 

Святая Троице, сих прослави и утверди даже до конца в Правоверии: развратники же и хульники Православныя Веры и Христовы Церкве, и не повинующымся Оней обрати, и сотвори, да приидут в познание вечныя Твоея Истины, молитвами Пресвятыя Владычицы нашея Богородицы, и Приснодевы Марии, и всех Святых. Аминь.

 

Слава Тебе Боже наш, Слава Тебе! Слава: и ныне. Аминь.

 

песнь святаго Амвросия:все священное собрание целуют святыя иконы на аналогиах

Тебе Бога хвалим: Тебе Господа исповедуем: Тебе превечнаго Отца вся земля величает: Тебе вси ангели, Тебе небеса и вся силы, Тебе херувими и серафими непрестанными гласы взывают: свят, свят, свят, Господь Бог Саваоф, полны суть небеса и земля величества славы Твоея. Тебе преславный апостольский лик: Тебе пророческое хвалебное число: Тебе хвалит пресветлое мученическое воинство, Тебе по всей вселенней исповедует Святая Церковь, Отца непостижимаго величества: покланяемаго Твоего истиннаго и единороднаго Сына: и Святаго Утешителя Духа. Ты Царю славы, Христе: Ты Отца присносущный Сын еси, Ты ко избавлению приемля человека, не возгнушался еси девическаго чрева, Ты одолев смерти жало, отверз еси верующим Царство Небесное, Ты одесную Бога седиши во славе Отчей, Судия приити веришися. Тебе убо просим: помози рабом Твоим: ихже честною Кровию искупил еси. Сподоби со святыми Твоими в вечной славе Твоей царствовати. Спаси люди Твоя, Господи, и благослови достояние Твое: исправи я, и вознеси их во веки: во вся дни благословим Тебе, и восхвалим имя Твое во век, и во век века. Сподоби, Господи, в день сей без греха сохранитися нам: помилуй нас, Господи, помилуй нас, буди милость Твоя, Господи, на нас, якоже уповахом на Тя. На Тя, Господи, уповахом, да не постыдимся во веки, аминь.

 

отпуст:

Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем (поклон).

 

Слава (поклон), и ныне: (поклон). Господи помилуй. (Трижды). Господи, благослови. (поклон)

 

Воскресый из мертвых, Господи, Иисусе Христе Сыне Божий, молитвами Пречистыя Твоея Матери, святых, славных и всехвальных апостол, преподобных и богоносных отец наших, святаго (празднуемого в этот день[1]) и всех святых помилуй и спаси нас, яко благ и Человеколюбец. Аминь.

 

---------------------------------------------------------------------------------------------------------------------------------------

 

Заключительное увещание соединеннаго патриаршаго Собора 1583 г. под председательством Патриарха Константинопольскаго Иеремии Прославленнаго против приобщающихся еретикам (католикам, вводящим новый календарь и новые обычаи в Христову Церковь и отступающим от Нея):

 

Мы призываем всех благочестивых и православных христиан: стойте твердо в том, еже вы приясте, в онем же вы рождени бысте и на онем же вы вскормлени бысте, а егда время и обстояние призовут к тому, излейте самую кровь вашу, дабы сохранить и Веру, преданную нам от Отец наших и сохранить ваше исповедание. Остерегайтесь таковых людей и бдите, дабы Господь наш Иисус Христос споборал вам. Да будет благословение нашего смирения на всех вас. Аминь.

Господи помилуй (трижды)

 


[1] Имена святых, указанных на данный день в Православном церковном календаре.










Последнее изменение этой страницы: 2018-04-12; просмотров: 263.

stydopedya.ru не претендует на авторское право материалов, которые вылажены, но предоставляет бесплатный доступ к ним. В случае нарушения авторского права или персональных данных напишите сюда...